Plantun de Prouvènço

Pèr coumpara dos planto d'encò nostre

Zygodon rupestris & Barbula unguiculata

Zygodon rupestris

Orthotrichaceae

Nom en français : Houppe des rochers.

Descripcioun :
Aquelo mousso coumuno acroucarpo d'aperaqui 1 cm d'aut, se vèi bèn sus li pège d'aubre (pin, éuse, roure...). Li tijo soun dreissado en "C" e s'envertouion un cop seco. I'a un mouloun de rizouïde brun e papilous à la baso. Li fueio de 1,5 mm de long soun en formo de lanço emé uno costo que s'acabo en pouncho. Fai raramen d'espouroufite, pamens i'a proun de proupagulo (fotò) sus li bord di fueio.

Usanço :
Lou flouquet-dis-aubre èi lou mai coumun di Zygodon au nostre. Zygodon viridissimus s'atrovo dins li fourèst mai fredo dóu Neckeretea complanatae ; si fueio soun mai torso e si proupagulo diferènto.

Port : Acroucarpo
Taio : 1 cm
Fueio : 0,7 à 1,5 mm
Tipe bioulougico :
Cicle bioulougico : Planto renadivo

Gènre : Zygodon
Famiho : Orthotrichaceae

Ordre : Orthotrichales

Coulour de la flour :
Petalo : 1 cm
Ø (o loungour) flour : 16 dènt
Flourido : printèms - Estiéu

Sòu : Ca
Autour basso e auto : 0 à 1800 m
Aparado : Noun
abriéu à setèmbre

Liò : Pège
Estànci : Mesoumediterran à Mountagnard
Couroulougi : Mieterrano
Ref. sc. : Zygodon rupestris Schimp. ex Lorentz, 1865

Barbulo-ounglo-d'aucèu

Barbula unguiculata

Pottiaceae

Nom en français : Barbule ubiquiste.

Descripcioun :
Aquelo mousso coumuno au nostre trachis sus lou sòu e sus lis endré ounte i'a un pau de terro. I'agrado li liò dubert e lou lume. Fai facilamen d'espouroufite à la primo. Se recounèis subretout à sa fueio acabado pèr uno pouncho emé de bord recurva. Lou boursèu èi d'un verd un pau sourno alor que la couifo se trovo èstre longo, la sedo èi roujo. Dedins li dènt dóu peristome soun peréu longo e espiralado.

Usanço :
Es proche d'àutri meno dóu meme gènre, coume Streblotrichum (Barbula) convoluta pu pichoto qu'a ges de longo pouncho e peréu li fueio soun plano. Se pòu engana tambèn emé d'àutri Potiaceae.